Page 32 - Microsoft Word - Rossa 1

Gedichte Joseph Rossa

Bauernstolz

Man sogt vo manche Bauern gearn
sie waarn adia recht stolze Herrn

so oana war der Hans vom Tol
a stolzer Lodder ollemol

sein bsundern Stolz den hot er krod
wal er 4 stramme Söhne hod.

4 Buam, des war sei ganzer Stolz

sie warn wia er, vom rechtn Holz
3 groaße, schwarze Bärentypen

mit etle Kilo auf de Rippen -
lei oana wor a weng a schmoler

und aa koa Bauer sondern Moler
mit eahm wars olm a weng a Noat

wal bei de Hoor obn war er roat

und wal ols Roatschopf er bekannt
hobn d´Leut ihn aa nua Füchsl gnannt.

De Johr vergiahn, es kimmt de Zeit
und mit der Bäurin is so weit

sie beichtn sich wos olls sie tian
ehvor sie in de Hoamat giahn.

Und wos den Hans schun olm hot druckt

und wos er olm hot ochegschluckt
des traut er eahm iatz dechtasch frogn

"Schau Leni, schau heunt kunnsch mas sogn
Des Füchsl? isch des gwiß vo mir?"

"Ja mei" sogt sie mitm leschtn Ton...
"Noa....lei des Füchsl isch vo dir...."

Seite 32