Page 98 - Rossa 2

Gedichte Joseph Rossa

15. Mai 2018

Dea Inn dea muon i raschtet no

ea woaß wos iatz bold kimmt

am Berg obm tauts dass s´Wassa rinnt
und eahm den Otem nimmt.

Sein Bedd wead eahm na gahling z´kluon

de Ufa zwenig hoach

ea wassat aft de Földa ei
de Wiesn werdn oi woach

A Lettn kimmt vom Hochgebirg
dea Inn isch nimma schian

ea wolzt des gonze Tol hinaus

gonz gelb und olls nit grian

Und lei da Langs mit seina Mocht

dea richtet olls wias wor
und kimmt da Mai und ollas blüaht

weards wieda a guads Johr

Seite 98