Page 29 - Rossa 2
P. 29
Gedichte Joseph Rossa
De Hand
A Wundawerk isch insa Hand
wos dia füa ins olls tuad
wia tuat am Baby wenn es zahnt
de Muaddahand so guad
A Biabl wenn ea Minischtrand
und wenn ea g´firmt na weahrd
am Kopf a so a gweichte Hand
oan s´gonze Lebn long eahrd
An Ohrfeign von da Lehrahand
an Streichla a da Wong
vom Diandl des so liab scharmand
dron dengst dei Lebtog long
Dann bei da Trauung ols Garant
a Schwur füas Lebn long
da Roasnkronz aft durch dia Hand
ban ollaletztn Gong
De Schwesternhand im Oltnheim
vaschofft oan z´nochts a Ruah
de Knochnhand mocht gonz geheim
oan donn de Augn zua
zua ewign Ruah
Seite 29
