Page 32 - Rossa 2

Gedichte Joseph Rossa

Mei Pfeifal

Mei Pfeifal wor mei Elixier

siebzg Johr hun i geraucht
und hun dabei vü frische Luft

auf dera Wöld vabraucht.

Dafüa hun i nia s´Maul auton
wenn men mei Woart nit braucht

i sitz mi in mein Eckal inn

und hun mei Pfeifal graucht
Iatz wal i neunzig sogns sie´s mia

dass s´Rauchn nit gesund

und wo i hingeah nehmens mia
mei Pfeifal aus dem Mund

Hätts mia dös holt vü friaga gsogt

na waar i ehnda gschtorbm
und wal mia dös hold kaana gsogt

bin i nit dran vadorbm

I sitz im Eck und denk mia staad
oans kunn i nit vameidn

mein Raach vom Krematorium

den miasst´s na schun daleidn

Seite 32