Page 34 - Rossa 2
P. 34
Gedichte Joseph Rossa
De Zeit
Gedonkn mochn sich vü Leit
wia schnöi de Zeit vageht
wo bleibt denn de Vaganganheit
dafüa isch es zu spät.
Des Lebn messn noch da Zeit
des isch vielleicht nit recht
es dauat olls koan Ewigkeit
a wenn men´s no so mecht.
Vagangan sein de vü´n Johr
do konn men nicht meah toan
de Monat de ins no bevor
sein wichtig gonz alloan.
Olter
Ols Olter fangt men un sinniern
um des und aa um´s anda
do kunn men no so vü studiern
s´bleibn Weibaleit und Manda
Und wenn´d dös woaßt vastehst de Wöd
sie isch nit ganz so übel
am Ende nua dös uane föd
du bisch nit kompatibel
Gor olles hot an Ablaufzeit
und olles hot sein Numma
des oane woaß i iatz gewiss
mei Ablaufzeit isch umma
Seite 34
