Page 33 - Rossa 2
P. 33
Gedichte Joseph Rossa
der Lüge Duft
Da Schöpfa hot se Sorgn gmocht
warum der Erdball eiert
und dorauf hot er noch gedocht
wos gheat denn do erneiert
Wos braucht de Menschheid denn zum Lebm
de Luft isch wohl gonz wichtig
dazua hot Ehrlichkeit er gebm
und denkt woll des is richtig.
Mei Liaba do wor ebbas los
wenn Menschn nimma lüagn
Politika sogn d´Wahrheit blos
damit sie Stimmen kriagn
De Blonde de vom Nachbarhaus
hot plötzlich graue Haarl
de Nachbarin schaugt älta aus
um mindestens 5 Jahrl
Er redt nimma vo groaßa Liab
mecht nua no ihre Brüste
do weard ihr Augnaufschlag trüab
sie braucht gor koane Lüste.
De Ehrlichkeit nimmt übahand
de Träume sein vagangan
und iebaroll im gonzn Land
wollns wieder s´Lüagn onfangan
Und übrig isch de guade Luft
de sich de Leut einredn
und wieda bleibt der Lüge Duft
erstrebensweart füa jedn.
Seite 33
