Page 89 - Rossa 2
P. 89
Gedichte Joseph Rossa
Der Andere
A Tannen und an Oachnbaam
dia stiahn gonz gleim beinond
am gleichn Ort, ma glabt es kam
decht redn sie nit mitnond
De Oachn denkt sich: „so a Schond
olls Nodln isch decht zritt
a gonzes Lebn des gleiche Gwond
so gschmacklos tuat men nit“
De Tannen denkt: „Naa – so wos tian
so nackand s´holbe Johr
gonz ohne Blattlan is nit schian
zan schaamen – gwieß isch wohr...“
Und boade stiahn im gleichn Wold
im gleichn Wind de Äst
sie leben zamm – ob hoaß ob kold
vom gleichn Regn benässt
Decht kuans am andern sich dabarmt
kuons heart des andern Bitt
- de Wurzln hamm sich längst umarmt
nua sechn tuat mens nit
Seite 89
