Page 90 - Rossa 2
P. 90
Gedichte Joseph Rossa
Modeschau
De Primln habn a gwundrigs G´schau
im Gortn isch a Modeschau
de Tulpn-Modls sein schun gricht
und zoagn a hochnäsiges Gsicht
langhaxad und fascht arrogant
zoagn sie ihr nuies Frühlingsgwand
mit roat und gelb und unschuldsweiß
erbliahn sie um den erschtn Preis
ganz dunklroat mit schworz geflammt
wenn sie aus bessam Hause stammt
in ihrem Köpfl mittndrin
isch iade wia a Zauberin ---
Ob´s woll bei dersn Bliatnpracht
und olla Schönheit woll bedacht
wia schnell´s vageaht de Wundazeit
und olles isch Vergänglichkeit?
Herbst
In mia innan
In dem tiafn Grund
Isch no a Schimmer Liacht
Des Schwindn
vom hoachn Sunnenstand
macht dunkel,
aber nit ganz finsta.
Seite 90
