Page 93 - Rossa 2
P. 93
Gedichte Joseph Rossa
Abend
Dea Tog vabluatet in die Nocht
de Sunn vaglüaht gonz staad
olls hot an tiafn Schnaufa gmocht
a sanftes Windl waht
Des wohre Leben mocht a Rascht
so wü es de Natua
des ondre Leben braucht de Hascht
und findet drum koa Ruah
I hun an Angscht
um insa Welt
voll Reichtum
und Vakehr
bei dem wos mia
olls Unfug hamm
siecht men am Toad
sein Instagram
Groaße Baam mit bunten Kugeln
und der Song von Weihnachtsliadan
mittendrein do sogns an Radio
heunt isch schun daa erscht Advent.
De jüngan Leut kriagns nit zan hearn
de Händys sein ans Ohr gepresst
und olte Leut de hearn des aa nit
de habm de Gnod dass im Advent
im Hörgerät Battrie ausbrennt
Seite 93
