Page 225 - Rossa 3
P. 225
Gedichte Joseph Rossa
(Scheiß-)Mai
Es wor a schiana Maientog
De Löwnzahnsamen schweben
Do hot er gsagt dass er sie mog
Und zwar fürs ganze Leben.
Es wor wieder a Maientog
Ols eahna Bua geboren
Und dass er sie no imma mog
Des hot er ihr do gschworen.
Es wor an andrer Maientog
Da feiern ihn de Freunderl
Und er ko saufn was er mog
Vü Flaschn vo dem Weinderl.
Und in dem Mai a Kellnerin
De hot aa mit eahm mit gsoffn
Und dann in ihra Bettstott drin
Do warn sie oi zwoa aa bsoffn
A regnerischer Maientog
Da Richter hot sie gschiedn
Sie sogt dass sie ihn nimma mog
Sie mecht nua no ihrn Friedn.
Jetzt pfeift er auf den Monat Mai
Der macht sein Weg so stoanig
Seit dersn Maienliebelei
Is er jetzt ganz alloanig….
Ned nur im Mai
Seite 225
