Page 226 - Rossa 3
P. 226
Gedichte Joseph Rossa
Das rote Licht
De Oma is in Kirch oft grennt
Und mi lassts aa ned schlaffn
Da hat sie koa Erbarmen kennt
„aus Dank dass mia erschaffn“
„Des ewig Liacht des do vorn is
Soll di durchs Lebm begleitn
Es führt di hin zum Paradies
Für alle Ewigkeitn“
Und später na, so nach zwanzg Jahr
Bin i durch Hamburg gangen
Und wia in St Pauli war
Is a roats Liacht augangen.
Ganz duster wars, des Liacht war rot
Vom Haus raus laute Töne
Do habm sie Fraun im Angebot
Ganz leicht anzogne Schöne
Und i geh zuache zu der Stell
Und möcht´ mi amüsieren
Da hör i : „holt, do geht’s zur Höll“
De Oma lamentieren.
Und is iatz wo a roates Liacht
Beim fahrn und aa beim giahn
Weil i no olm de Oma fürcht
Do bleib i meistens stiahn.
Seite 226
