Page 228 - Rossa 3
P. 228
Gedichte Joseph Rossa
Amsl im Lenz
Es war so gegn Anfang März
Do hots oa Nacht durchgschniebn
Und weils dazu no obkühlt hot
Is oller Schnee liegn bliebn
Es war a rechte Winterpracht
Olls war ganz tiaf vaschneit
So wia a schiane Weihnachtsnacht
Des Fruajahr war no weit.
Im Gartn nachand, i daschrigg
Und hob mia denkt i traam
An Amsl sitzt am höchstn Ast
Vom groassn Apflbaam.
Und jauchzt und trillert laut und froh
Der Gsang koa Ende nimmt
Jetzt plogt mi aa der Schnee nit mehr
Weil doch da Langes kimmt.
Do konnst Kalenda habm wos d´mogst
Den teuerstn TV
Der Vogl woass wanns Früajahr werd
Und nit de Wetterschau
Seite 228
