Page 229 - Rossa 3

Gedichte Joseph Rossa

An die Mutter

Wenn mi was freut, na fehlst du mir
Und wenn i traurig bin erst recht
I war mit meiner Sorg´ bei dir

Und wenn i beichtn mecht

I traam sooft zum Fenster naus
Und siech di, wias´d di plogst

Voll Sorg um ins, um insa Haus
Und wia du olls datrogst

I gspür di no an meiner Seit´
Du führst mi durch das Land

Wia schö war doch mei Kinderzeit
Wia sicher mia dei Hand

Du hast mia zoagt wia Bluamen blüahn
De Wiesen und an Wold

Den Himml wo de Steandla stiahn
Mi gwärmt wenns mia recht kolt

I denk fast jeden Tag an di

Und dann werd mia so warm
Dös Zruckdenken isch dann für mi
Ols nahmst du mi in´n Arm

I dank dir Muatta für mei Lebn

Und dass i´s Dasein mag
Mei Dankbarkeit werds immer gebn

Nit nur am Muttertag

Seite 229