Page 22 - Wimmer

Gedichte Lisi Wimmer

Da siemg'scheite Bua

A kloana Bua - der is ze ins

a's Pony reitn kemma

er sagt zu mia - ganz furchtbar g'scheit

er - mächt a greaßas Pony nehma

aft ham ma hoit a greaßas g'hoit

i sag iatz Hansi - iatz steig auf

da Bua der hat's ganz furchtbar wichtig

er wü ganz schnell auf's Pony drauf

ja Hansi sag i - so geht’s net

Du steigst auf mit dem falschn Fuaß

ge - Lisi - sagt der kloane Pimpf

i woaß scho - wia i auf steign muaß

ja dann huck'st halt umdraht auf dem Pony

er sagt ge Lisi laß mie decht

Du woaßt ja nämlich - net amoi

wo hin - das i - gern reitn mächt

Seite 22