Page 23 - Wimmer

Gedichte Lisi Wimmer

In jedem Alter red'n de Leut ânders

Wer hat den heutzutag nu Zeit

se u - z'nehma um alte und um kranke Leut

für de gibt's do a Altersheim

und ganz schö tuat's da drinna sein

so sagt ma wenn ma jung nu is

und schö iss' wirklich ganz gewiß

ma sagt a nu - mit 40ge so

aba geht eascht moi da 60ga u

wenn für oan selba kimb de Zeit

dann sagt ma - na nur alte Leut

toan in dem Haus da drinna sein

na na i geh net in des Heim

des wa ja gor de letzt Station

i mag nix hörn - mehr da davon

ja so ändert se de Meinung und de Zeit

ganz andascht re'n in jedem Alta d'Leut

Seite 23