Page 24 - Wimmer

Gedichte Lisi Wimmer

Da Pfarra hat's g'feit aufg'schriem

D' Maridl hat a Mess' auszahlt

für de Schwagarin - de wâr scho âlt

da Pfarra hat de Mess' aufg' schriem

do seine Gedânkn woândascht hin

vier Wochn spada - war des Âmt

d'Vowandtn kemman- im schön G'wând

da Schwagarin de Ehre z'gem

s'is schad um sie - dass nimma is am Le'm

da Pfârra liest de Nâmen -für de -de Mess is o

all schaugn perplex - was liest er do

d 'Maridl de sitzt in da Bank da vorn

und da Pfarra sagt- der wa scho g'storm

da Maridl dea weascht z'hoaß und z'kalt

sie war ja 50g Jahr nu net alt

da Pfarra hat aus Versehen ihren Nam' aufg'schrie'm

d'Vowandtschaft -schmunzlt vor sich hin

Seite 24