Page 26 - Wimmer

Gedichte Lisi Wimmer

An Gerhard sei’ Freundin!

I håb an Gåst – deah håt a Freundin

de håt eah – richtig gern
wenn deah – mia wås vozoiht von iah

toan seine Augn – gånz g’lånzat wern

drum såg i dånn amoi - ze eahm

dånn bring’s - hålt amoi mit

eah sågt – des geht – går net – recht guat

im Auto – hätt’ de – Plåtz gâr net

i denk – um Godswü’n – wås muaß des

für a schware Kistn sei’

den sei’ Auto – wår net kloa

und - de passt – då net a - mål hinein

eah sågt des naxt mål – wenn i kimm

håb i – an Hänga – hintn drån

und dånn – nimm i –sie wirklich mit

dånn derf – sie - a mit fåhrn

i wår scho richtig – neugierig

auf seine holde Braut

und wia’ra – kemma is – des naxte mål

då håb i – åba - g’schaut

Seite 26