Page 33 - Wimmer
P. 33
Gedichte Lisi Wimmer
Da Radlfahra!
Fâst dunke wâr’s, dâ fâscht da Lois,
mit’n Radl hoamzua scho a Bois
a Mandl steht mit’n im Weg,
da Lois der schreit, wei’de Brems net geht:
"Stoih aus stoih aus wei’ sist bist hi"
und wâr scho bei dem Mandl vi’.
âba glei denkt er o Schreck o Graus,
der hât gsechn wia a Schandi aus!
"Hâlt! Hâlt!" schreit der "sofort bleibst steh!"
A Drümmei muaß da Lois z’rugg geh,
dânn steht er vor dem Ordnungshüta
und der schaut her ois wânn er z’rütt wa.
"De Brems geht net und Liacht hâmbs koans
bei Eahna helft iatz nur mehr oans:
An Strâfzedl wer i glei schrei’m!"
Da Lois is dahi mi’n Radl und tuat z’rugg schrei’n:
"Herr Schândarm wenn Dia des Zeddei schrei’m nu tuat
siech i zen Radl fahrn a häufig g'nuag!"
Seite 33