Page 28 - Wimmer

Gedichte Lisi Wimmer

Da Adventkrânz in da Gfriertruchn

Im Septemba - sâgt mia d’Nâchbarin

heuer gibt’s bei iah koan Weihnachtsstress

jâ Thresei hun i - zu iah g’sâgt

wia mâchst den - nâcha des

jâ mei – so - hât sie zu mia g’sâgt

i fâng hâlt – früah ge’nuag scho ân

de Keks – und a de Kloutznweggn

hun i - scho bâchn – lâng

und iatz - wer i - Adventkrânz bindn

dânn is de Arwet- a scho tu

i sâg – wââââs –mitte Septemba

fângst Du – Adventkrânz bindn u

jâ -mei – hât dâ des Thresei – g’sâgt

iatz – send de Taxn – leicht zen kriagn

und wen’g dem z’friah sei’ – des mâcht nix

i tua den Krânz -hâlt dânn - ei’gfriahn

an Adventkrânz ei’gfriahn ?? na na na

de Welt ku steh iatz – nimma lâng

an Adventkrânz – in da G’fiahrtruch drinn

des muaß ma zeascht mâl g’sechn hâ’m

Seite 28