Page 29 - Wimmer
P. 29
Gedichte Lisi Wimmer
Da Weihnachtsmânn und s’Christkindl
Eppas wâs mia einglich gâr net g’fâllt
des is – das iatz - des Christkind –bâld
vom Weihnachtsmânn – vodränglt –weascht
für mie is des scho - gânz vokeascht
des Christkindl – so liab und kloa
wâs mächt’s den - geg’n den Loda toa
der dick und fett – und grouß und schwar
daher kimb – aus Amerika
mit Riesenstiefe- Bârt und Mützen
tuat der in de groußn – Auslâgn sitzn
na sitzn tuat der net – der steht
na gânz g’wiß wâhr - mia g’fâllt der net
er strâhlt koan Friedn aus – koa Ruah
schaut protzig her – a nu dazua
mâcht mit sein – ho ho ho – an Lärm
dâ kânn’st do net - besinnlich wer’n
gânz ânascht is – mi’n Jesuskind
des ârm - ma in - a Krippn find'
des liegt so hilflos - drinn im Stroh
dâ geht da – s’Herz auf - schau’st es u
Seite 29
