Page 31 - Wimmer

Gedichte Lisi Wimmer

Mißverständnis

A Frau de muaß zum Dokta geh‘

sie moant a diam, ihr Herz bleibt steh‘

da Dokta untersuacht sie g´schwind

sågt – dös is ernst, mei liabes Kind.

Då håst a Zapfei, dös hilft glei‘

dös renkt an Puls wieder recht ei‘

oans, zwoa wennst nimmst, is gnuag für´n Tåg,

dånn bist`s glei los du deine Plåg.

Nåch drei, vier Tåg kimb´s wieder ån

sågt Dokta, Sie, mei liaber Schwån

dia Zapfei håmb mi åber druckt

i håb´s jå scho fåst nid daschluckt.

Dånn send´s ma g´legn gånz schwar im Mågn

dia Zapfei tua i net votrågn

und a mei Månn, der håt se g´numma

und dem is worn går a wenk b´suna.

Da Dokta sågt – um Gottes Wü´n

håbt´s ös dia g´schluckt åls wia de Pill´n

da Dokta, der wird gånz kasrot

sågt drei-, vielmål – du liaba Gott.

Seite 31