Page 38 - Rabl 1
P. 38
Gedichte Anni Rabl
Langs weascht´s
Langs weascht´s, boid da Tog u fong dageb´n,
und in Feld und Woid kimb Leb´n,
Langs weascht´s, boid da da Barchant nimma passt,
und austauscht weascht geg´n an Damast.
Langs weascht´s, boid´s fuan Haus weascht truck´n,
und scho recht fei is, zon Vuanhausbonk huk´n.
Langs weascht´s sigst wieda mea Jogger laff´n,
und d Leit scho s´ Summazoig eikaff´n.
Langs weascht´s, boid de Vögl singand,
und de Kina Blumensträußl bringand.
Langs weascht´s, boid be ins da Wintaspeck,
vo oan auf´n ondern Tog söd weck.
Langs weascht´s, boid de Pöza schiaßnd,
und mia scho zöhn´d, wia fü dass ma nu dazuakaff´n miaßnd.
Langs weascht´s,boid ma trocht´n u fongand,
wia fü Tog dass ma fürs Viech mit´n Hei nu glongand.
Langs weaschts, is mei liabste Zeit,
auf´s Langswean hui mi long scho g´freit!
Seite 38
