Page 16 - Rabl 2

Gedichte Anni Rabl

Da Aufschneider

Da Lehrer frog´, wia ma dean nennt,

dea im weiß´n Kittl umma rennt,

und de kronk´n Leit kuriascht,

indem ea sie glei operiascht.

Des Wort des lieg´an Maxl auf d´ Lipp´n,
tuat glei mit de Finger schnipp´n,

Herr Lehrer, sog a, i woaß gwiß,

i moa,dass des a Aufschneider is.

Da Wunschzettl fürn Göd

Von Nachba ent, da Bua da kloa.

dea hukt beim Tisch doscht gonz alloa,

und wia i kim, schaut ea kam auf,

bi heit alloa, moat ea donn drauf,
is fest ben Zeichna und ben Schreib´n,

frog mi so nembei, megst du bleib´n?

Na na sog´i, und schau eam zua,

wia ea so malt, mit oana Ruha.

Hu ´n donn gfrog, wos weascht des wean,

des wissat i vuan geha nu gearn.
Da Bua schaut des Blattl u,

und moit nu schnö a poor Ziffern dru.

Ea sog : schau, dös mecht a von Göd,

mea mecht ea heier vo eam net.

Dös wa a Gschenk, des wos nit bricht,

und hätt´zon heatrog´n nit fü Gwicht,
ea hät a Freid kriagata so an Schei,

wei dean daschiabata a an Hos´nsack ei.

Seite 16