Page 18 - Rabl 2

Gedichte Anni Rabl

Da Kuraufenthalt

Vo da Kronknkasse und da Kuronstoit,

host genehmigt kriag, an Kuraufenthoit.

Dass so a Kur koa Urlaub nit is,

des is an jed´n scho im Vuahinei g´wiss.

U roas´n tuast mit an recht g´mischt´n Gfüh´,
Gwond moast host mit, um oan Koffer z´fü,

s ´Zimmer gonz nett, an 3. Stock und ois nei,

be de Kurleit is koa bekonnt´s Gsicht nit dabei .

Da Wecker geht früha o, krot wia dahoam,

aufweck´n brauchst aber desmoi nit oan.

Erwartungsvoi legsti etz glei amoi u,
und stös´ti ben Fruhastucksbüffe unt´n u.

Ois eascht´s muassst zon Dokta und aussa von Gwond,

ea schaut di u, so iwan Brünrond,

und glei stöt a fest, es is a bissl z´fü dru,

an Diätplan kriagst mit, danoch legsti u.

Zon bod´n geha is donn onschliessend im Haus,

und scho muasst vo dein Gwond wieder draus.
Donn muasst aussa von Wossa und es geht vo vuan u,

du ziachsti o und danoch legsta wos u .

Auf´s Zimmer gehst etz, es is Ruhestund,

zon o´ziach´n scho wieder a Grund.

Endlich host etza a kloas Boisl Zeit,

zon Rast´n,zon Les´n und fi de G´müatlichkeit.

De Zeit Vuamittag wia im Fluge vageht,
scho s´Mittogess´n im Speisesoi steht.

Und wos du heit scho a poor moi host tu,

du ziachsti o und legsta wos u.

Seite 18