Page 17 - Rabl 2
P. 17
Gedichte Anni Rabl
De Bergkappell´n
Gonz vasteckt, hinta de Bam,
und hinta d´Stoa, du siegstes kam,
do steht´s,de kloa Kapell´n,
fi Wanderer und fi d´arma Seel´n.
De Tür de garetzt, du trittst ei,
de Andacht stöt´se bei dia ei,
Bleami steand auf´n Altor,
und Keschz´n brinnand heit a poor.
Und Büdl vo verstorb´ne Leit,
send uichi g´hängt do auf da Seit.
S'Weichbrunnkriagl is fast truck´n,
gonz stad gehst di a Boisl niederhuk´n.
Deine Sorg´n kust oi u bringa,
es weascht da gwiss a a Gebet gelinga.
Es bring dia z´rug, de innere Ruha,
z´letzt mochst nu a Kreiz und de Kapellentür zua !
Seite 17
