Page 42 - Rabl 2
P. 42
Gedichte Anni Rabl
Wos ma si ois Gaschtla wünscht!
A Unkraut, dös si nit vermeaschrt,
an Schnittla, dea glei knieatoif weascht,
an Berg vo edlstem Kompost,
für frisch Ugsetzt's auf koan Fall Frost,
Spinat, der nia a de Blüa geht,
a Katz, de net auf d´Vögl steht.
An Salotbeetl inna koane Mäus,
und auf de Hosboan koane Läus.
Schnegg'n, dia nit in mein Goscht'n kriachn'd,
si glei - wias kemma send, wieda vaziachnd.
Gnuag Sunn, aber a an Reg'n,
und von Wettagott an Seg'n.
An Schubkarr'n der vo sölber foscht
A Kreiz, wos ma nit so glei gwoscht,
des söd ins nu recht long trog'n,
wenn mia ins mit'n gaschtl'n plog´n.
Seite 42
