Page 238 - Rossa 3
P. 238
Gedichte Joseph Rossa
Franz von Assisi
Du Heiliger und Viechpatron
Du tuast mia wirklich leid
Um was du di olls kümmern muast
In dersn nuian Zeit.
Gar jedes Viech des mecht vo dir
Dein Segen und dei Gunst
Und mancher glabt dass du di doch
Nua um eahm kümmern kunnst
De Baulöwen de wolln dein Schutz
De Hornochsn de aa
De Backfisch und de Neidhammel
Und de Kredithai aa
Manch Schmutzfink bettelt um dei Gunst
Lackaffen gibt’s aa no
Und Naschkatzen de betteln aa
A Pechvögel sein dro
Manch Frechdachs und die Skihaserl
Windhund und Unglücksrabn
Auf Paradiesvögel dazua
Sollst du ein Auge habn
Schluckspechte wolln dein Segn habm
A Schnapsdrossln gibt’s vü
Kurzum a jede Viecherei
Nimmt di als Anflehzü
Du Heiliger und Viechpatron
Du tuast mia wirklich leid
Um was du di olls kümmern muast
In dersn nuian Zeit.
Seite 238
