Page 237 - Rossa 3

Gedichte Joseph Rossa

Insa Sproch

An manche Tog do deng i noch

Wo des no hiführt mit da Sproch
De deutsche Sprach wird aufgefrischt (sagns)

Und deshalb englisch drunter gmischt.
A Teamwork, Fastfood und a Match

A Weekend, Blackout, Shopping, Sketch
De Fitness, Software, Swimmingpool

Und olls was geil is, is a cool.
Is was zum Lachn is a Fun
Zum Schlussverkauf do gibts an Run

Statt Griass di, hi, statt Musik Sound
A nette Runde wird zu Round

Zu Eltern sagns hey Mam hey Dad
De Pflichten de san olle bad
De Lehrerin des is de Miss

Und statt an Bussl gibt’s a Kiss
Ma braucht a Image und goodwill

Vü Fitness für den Sexappeal
Ein darling braucht an lovely guy

Und see you later und beye beye
Sie essn ham und fuattan eggs

And Hamburger und tragen bags
De Kloan san Kids, i bin a Man
Und wer an Boll trifft hat vü Fan

Und pfiat di God des hoaßt jetzt tschau?
I glaab mia fehlt dafürs knowhow

An manche Tog da deng i noch
An insa schiane Hoamatsproch
I woaß de Zeit, de bleibt nia stiahn

Es muass olm olles weitagiahn
De Baam kriagn aa a nuies Laub

Aber Blattl!!!…no foliage…wia i glaub
Bye bye

Seite 237