Page 233 - Rossa 3

Gedichte Joseph Rossa

Auf nix is mehr Valass

I hob a Gänsebliaml grupft
und de kloan Blüatnblattla zupft

bei jedn Blattl hun i gfrogt
wos mia des kloane Blaaml sogt
„sie liebt mich und sie liebt mich nicht“

des Madl mit ihrm schianen Gsicht –
De Blütnblattla sogn ganz gschwind

dass sie mich liebt, des junge Kind!
I nimm mei Herz und wog de Frog:
ob sie mi aa – wia i sie - mog

„des Gänsebliaml“ sog i glei
„des ratet mia, du wärst de mei...“

Sie schaugt mi on, und lacht ganz laut
„Habns di z´oft auf dei Birn naufghaut?

I? – di?- sunst nicht mehr ...oder wass....“?
Wia gsogt auf nix mehr is Valass!

Seite 233