Page 16 - Wieshofer

Gedichte Marianne Wieshofer

A Muatter sein!

Muatter wern – hoaßt ganz hascht boatn

zwischen Angst und zwischen gfrei,
bis der langersehnte Tag kimmb

und du derfst iatz Muatter sei!

Muatter sei hoaßt Liab verschenkn

drogwöhn a die noie Zeit,

jeder Tag bring seine Sorgn

jeder Tag – a noie Freid.

Bei a Krankheit d´Angst nehma,

tröstn mit an guatn Muat

und nit zoagn daß Dir zan rean is,

weils da selber weher tuat.

Guat erziachn, nit verhätschln,

füridenkn, nit verzagn

und fü alls a Antwort wissen,

ganzn Tag auf 1000 Fragen.

Muatter sei, hoaßt oft verzeichn,

fallts dar iawand ah recht schwah,

lachön und die Augn zuadruckn –

wia wenn d´Welt in Ordnung wah.

Oft, da hoaßts ah Stoa wegrama,

wenn er z´sticke wird, der Weg,

und ah öfter ummi helfn,

übern gfahlern, schmaln Steg.

Seite 16