Page 21 - Wieshofer

Gedichte Marianne Wieshofer

Summertram

In der hoaßn Summerzeit,

da is des Badn mei größte Freid.
Mei Platzei des is ganz versteckt,

bis iatz hat des noh neamb entdeckt.

Ich brauch nit bratn außt en Strand

Und hol mir ah koan Sonnenbrand,

von Krokodil und Wasserschlanga,

brauch ich an weitern ah nit banga,

ich hon mir des scho so daricht,

dass mih fei koa Moscitto sticht.

Pack d´Schwimmfloßn und Taucherbrilln,

so tua ich mir mei Sehnsucht stilln,

ich tauch scho abi bis zan Grund

und halt des durch a halbe Stund.

„Wenn des wer sechat hoaßats gschwind,

na, iatz hats durchdraht – schauts die spinnt!

Weil ich bei so a großer Hitz,

dahoam in meiner Badwann sitz!“

Seite 21