Page 42 - Brenn_2014

Gedichte bis 2015 Hubert Brenn (Längenfeld im Ötztal)

Es ischt nit olm olles lei hetzig

Glöbet mr, i loch ö gern
i tüe vil liebar lochn wos plern
und decht ischt nit olles zen lochn und witzig
hetzig, gschpassig, luschtig und schpritzig
Mi mochets freilach ö lochn
wenn se et an güetn Witz mochn
obr es ischt holt in Lebm nit olles zer Hetz
atie eppas ischt sögor öerdelach schiech und letz
In Lebm geat an decht atie eppas drnebm
in Lebm müeß man atie decht sö vil aushebm
mit mein Gedichtlen und Gschichtlen sellts mr gelingen
di Leite wöll zen lochn, obr ö aweagele zen nochdenkn ze bringen
Atie is recht, obr man konn nit olm lei witzlen
di Leite lochn mochn und augitzlen
atie tüets ö güet, wenn man nit grantig, obr bsinnlach werchrt
weil sall zen Menschsein oefoch ö drzüe geherchrt

Seite 42