Page 43 - Brenn_2014

Gedichte bis 2015 Hubert Brenn (Längenfeld im Ötztal)

Vöerlesige

Mei Vöerlesige ischt heit widr, sall wöll
dr Hersol wie olm gleime bumpvöll
si passn au und schreibm fleißig mit
si wissen, daß i mr merk, wer do ischt und wer nit

I hon is Thema güet aubereitet
onschaulach, vrschtendlach, nit ze ausgeweitet
i tüe nit lei fierlesn, weil i vil liebar red
und weil man det nö ollerhond drzüe drset

Mit dr Zeit kimm i olm mea in Schwung
i drzel und drkler völl Begeischterung
hegscht saltn müeß i epparn auweckn
in Gegentoel, hin und widr seins apor, die drschreckn

Wos i et drleb, hatt i mr nie gedocht
Pöppelen, Hinde, Kotzen – olles hobm se schöen mitbrocht
ö Freinde, Freindinnen, Bekonnte, Geschte – i hons tölerierchrt
hon mit nen geredet und güete Gschpreche gfierchrt

Iez bin i, wie gset, grod zemittlat drin
auf oemol frog i mi, öb i wöll schpinn
höcket weitar hintn oene mit an Kinde und pocket frei aus
um ze schtilln, i bin irritierchrt und kimm aweagele draus

I hon mi obr oftr bold amol widr drfongen
dos geherchrt ö drzeüe heitzetoge und ischt güet fiergongen
asö eppas ischt normal, do geits nuicht, wos es nit geit
man konn lei oes tien: mittien – jo, i gea holt ö mit dr Zeit

Seite 43