Page 44 - Brenn_2014

Gedichte bis 2015 Hubert Brenn (Längenfeld im Ötztal)

Asö is Lebm

Asö is holt in Lebm hoeßets et
is Lebm ischt a Kompf, a Neatn, a Gfrett
man müeß es, sö güets geat, durchschtean
oftr werchrts schöen holwegs passat fier gean
Gerecht ischt dr Zuig nit vrtoelt ad der Walt
seis Grund und Bödn, Bsitz, Mocht, Glick ödr Gald
di moeschtn kemen grod aus mit den, wosn se hobm
vil hobm ze weag, lei fier apor geit sella Gobm
Olle welln güet lebm, olle schtrengen si on
atoelan bringets, atoel hobm nit vil drvon
öfte glongets nit, hungrig zwicket dr Mogn
Nöet, Ellat, Kronkheit, mit Unglick gschlogn
Asö is holt in Lebm – is nit a Schond
sögor di schwerchrzechschtn Wölkn hobm an silbrign Rond
wos bleibet an ibrig, wos olles auszehebm
wos tüet man nit olles um ze ibrlebm

Seite 44