Page 45 - Brenn_2014
P. 45
Gedichte bis 2015 Hubert Brenn (Längenfeld im Ötztal)
Schpatherbescht
A schear Summer klinget longsom aus
hot vil Blüemen brocht und güete Toge gebm
Blüemen wie Toge - a wunderborer Schtrauß
ischt olles fein gewesn, obr holt nit auzehebm
I hon ö is Meinige geton
vil ze gahe ischt dr Summer vrgongen
drbei gabs nö sö vil ze tien und schtand on
olles unwidrbringlach fier und nie mea inzefongen
Nö hot di Sunna Kroft, bold lot se noch
nö is frei summerlach, und decht tüets töll triegn
wos frei schtork ausschauget, werchrt bold amol schwoch
wenn i grod ö zomm pockn kannt und mit di Schwolben fliegn
A schear Summer klinget longsom aus
hot vil Blüemen brocht und güete Toge gebm
Blüemen wie Toge - a wunderborer Schtrauß
ischt olles fein gewesn, obr holt nit auzehebm
Seite 45
