Page 10 - Rabl 1

Gedichte Anni Rabl

D´Schwedenreita

Dö Arbeit is Vagongenheit,

a Kunstwerk war´s - vo Bauernleit.

Maschina homb´de Arbeit überhoit,

und zu deasn Zeit hot´s neamb´n kroit.

Schwedenreita - kot doscht und do,
geit´s nu anuascht oan o,

aber kot boid s´Wetta go net guat,

kot nu zon Schwedenreitan tuat.

I woass nu genau - vo dahoam,

i moa - i kunt sogor nu oan.

Zeascht is won, s´ Gros händisch g´maht,
gonz a da Früha, dass nit weascht z´spat.

Donn is zomkrecht worn auf Zei´n,

und s´Schwedenreiterzoig, hikricht wor´n dawein.

Donn is gwes´n zon Steck´n austrog´n,

zon Löcher mach´n, und d´ Steck´n eichischlog´n.

An gruass´n Haspi mit gnuag Droht,

den ma amoi um de Steck´n gwickelt hot.
Is da eascht Droht donn a guat g´häng,

host des Gros do auffi g´schläng.

Mit de Händ, oder mit da Gowi,

Orwet wors ja go koa lowi.

An Fuaschtl hot´s do braucht dazua,

siest is s´Gros wieda ochag´foin fuazua.

Schea da Reih´noch - Stong fi Stong,
dauascht hot´s ma oft fü´z long.

Droht fi Droht is des so gonga,

bis´d nix mea g´sech´n host vo d´Stonga.

Seite 10