Page 14 - Rabl 1
P. 14
Gedichte Anni Rabl
Koitawagg
An Koitawagg hot´s frühara geb´n,
a kloana Luxus, in an bescheid´nen Leb´n .
Heit weand an Koitawagg go nimma fü kenna,
etz weascht Kaugummi koit, is nit des schena .
Gwes´n bin i - moa i nu recht kloa,
a s´Dorf bin i gschickt wor´dn, und des gonz alloa,
hu miass´n ben Krumma – an Koitawagg hoin,
für´n Grossvater wieder – an Wuzl an nuin .
Moastns is a scho auf da Vuanhausbank gleg´n,
und hot´s kam daboat – bis i endlich kim zweg´n .
Kob hot ea auf sein Sockmesser oft nit de best Schneid,
aber mit sein Koitawaggwuzl - Stuck fi Stuck a mords Freid .
Mi hot scho alloa - des s´zuaschaug´n oft gschreckt,
eam hot a aber trotzdem gonz narrisch guat gschmeckt .
Es wa ma a nia eigfoi´n, um an kloan Kosta frog´n,
ea hat´n ganz schnö - a sei Kammal vatrog´n .
Und wor ea wieder amoi sektisch und hot brummit sogor,
nacha homb´s scho oi gwisst – da Koitawagg is gor,
donn hot´s wieder g´hoass´n – muasst decht glei oan hoin,
ea is ja nit z´meg´n, boid a nix meha hat z´koin !
Seite 14
