Page 21 - Rabl 1
P. 21
Gedichte Anni Rabl
De Schmoizgruab´n weascht g´mocht - genau a da Mitt´,
stöll´n de Pfonn auf´n Tisch und winsch´nd an guat´n Appetit!
De Pfonn a da Mitt und ausst umma d´Leit,
a Kreiz weascht schnö gmocht - wei hungrig send´s heit,
so isst jeda auf sein Platzl und passt auf gonz wüd,
dass eam jo net sei Nochba de Kochprinz´n stüh´t.
Wei dia geand zúntrest inna eascht hea,
wea mea Koch isst - hot a umma poor Prinz´n mea.
Und is donn de Kochpfonn gonz sauber laar,
de Prinz´n ausg´scheascht - da Bauch schwar,
weand d´Löffi o´kramb und eigwoacht zomb da Pfonn,
und gnuag homb etz - oi mitanon.
Net eppas - dös mecht i enk etz nu glei sog´n,
mogsti men koch´n oi Tog fei nu a so plon´g,
brinns´da decht a diam u - und neamb´n weascht´s g´frei,
um dias'n Prinz´n weascht nia a so a Kris wia um de Kochprinz´n sei!
Seite 21
