Page 23 - Rabl 1
P. 23
Gedichte Anni Rabl
S´Wetta
Da Mensch dea ku heit fast ois lenk´n,
net s´Wetta macht eam nu hübsch z´denk´n.
Send so fü –wos des Wetta studier´n,
damoch´n weaschts koana- weascht bleib´n ben probia´n.
Wei 's Wetta - kunt´s heit oana moch´n,
dea hät met Sicherheit go net fü z´Lach´n,
es wa ganz gwiss koan oanzing Tag krecht,
amoi was fü´z hoass und s´naxt moi was z´schlecht,
an 1. Dezember söds weit ocha schneib´n,
aber sist ganz´n Winter schea Wetter bleib´n
und sei tat´s z´letzt so wia met gor oin,
s´best Wetta hättn´d dia - wos an mearest´n zoin.
Net dös Wetta wias is-muass jeda so nemma,
weascht Mensch koana drum umma kemma,
und i bi ma sicha – es is des a so kricht,
sist hät´si de Menschheit scho long söwa vanicht !
Seite 23
