Page 29 - Rabl 1

Gedichte Anni Rabl

A schlecht´s Zoach´n

Für´n Goscht´n bin i scho de längst Zeit ben studiern,

wei hoier wea i gonz wos neis ausprobiern.

Hoscht hu i scho boat, bis da letzt Schnee weidageht,

und i dös probiern ku,so wia´s an Büachi in steht.

An Goscht´n in hu is oi Tog etz gonz wichtig,
hu ma vi g´numma,heua moch i´s gonz richtig,

schau auf de Blattltog, Wurzltog, Fruchttog und Blüha,

und a auf´n Mun´ vagiss i go nia.

I kräu ummandum, wia da Schear a da Erd´n,

und d´Sunn hoazt ma ei dös mog i gearn.

Und fua mia lieg´dös Buach, wo´s genau inna steht,
wos i jed´n Tog toa muass und wia´s richtig geht.

Bi mit mein Goscht´n etz feschtig, i hu a mords Freid,

dia wos mein Gascht´n sechnd, dia vagehand vo Neid.

Und zuadeck´n brauch in heit d´Nocht sicher net,

wei von koitwean wor gonz´n Tog nu koa Red.

I hu go nimma aufdenkt, dass jo nu d´Eismanda kemmand,

und mia über Nacht de gonz Freid am End nemmand .
Da Früha bin i dogstond´n, mit an Gsicht gonz an bloach´n,

nocha hu is woi g´wisst, de Gfrie schaut nit auf´s Zoach´n!

Seite 29