Page 30 - Rabl 1
P. 30
Gedichte Anni Rabl
Bergwassal
A Bergwassal rinnt neman Weg dahea,
rinnt hinum und hearum und weascht oiwei meha,
jeds Bründl und Trüpfi nimm´s met´n getoi o rinna mit,
is glaslklor und eiskoit - zon bod´na tats nit.
S ´Wassal von Berg rinnt umma um d´Stoa,
und dös gonz Bochbett g´keascht eam alloa,
net de Bochstoa - dia kunt´ntas gonz genau vazöhl´n,
wia oft daß dös Bachi scho hätt´mitnemma wöll´n.
Es rinnt so friedlich - ois kunnt´s dös nia geb´n,
daß wüd weascht dös Bachi und trocht noch dein Leb´n.
A Wetta, fü Reg´n und scho is vorbei,
aus´n Bachi weascht a Boch und reißt und grob´ei.
Und ois wos an Weg is, dös nimm´s einfoch mit,
zon aufdahoit´n wa so a Boch nit.
Stoa, Bam, und Wuschzl´n reißt´s aus,
Mocht a nit hoit vua a Bruck oder an Haus.
Und du muaßte do scho a diam frog´n,
wos hot kot dös Bachi ois ocha datrog´n,
das des Wassal dös stade, gonz alloa,
in a poor Minut´n - so fü ku datoa!
Seite 30
