Page 33 - Rabl 1

Gedichte Anni Rabl

Da Stub´nof´n

Etz is wieda kemma de Zeit,

wo ma a worm´s Platzl daleit,

an Stub´nof´n hoaz´ma ins heit richtig ei,

siest homa a da Stub´n inna koa nett´s Sei.

Eihoaz´n dös is fi mi koa Prozedur,
oder bi eppa kot i a so stur,

heit a dea fortschrittlich´n Zeit,

wo ´s a fü und scheani Elektroof´n geit.

Dean brauchatst net usteck´n und glei wuscht´s fei,

weascht aber nia de Wärm, wia de vo an Kachiof´n sei .

Zon Eihoaz´n richt i ma glei hea,

um a Fischta voi Hoiz muaß i zeascht nu geha,
zon u foian brauch i nu a poor Spa,

Spreisl oder Zweck toands sicher a.

Hi knean fua s´Ofnloch und mit´n Schierhaggl glei,

d´ Asch´n zomkräu´n,dass is a da´Mitt wieda frei,

d´Spa u zünd´n, nocha d´Scheitl eichischlicht´n,

kreiz und quer leg´n, zlest nu a bissl richt´n.

Und prasselt donn s´Feuer an Ofn in laut,
weascht dös naxt Boisl nit eichi g´schaut.

Iss donn owa stad und du siegst kot nu de Gluat,

muaßt s´Türl zuatoa, sist heb d´Wärm nit so guat.

Schea longsom weascht´s donn a da Stub´n inna fei,

ku ningascht so nett wia auf da Of´nbank sei!

Seite 33