Page 22 - Rabl 2
P. 22
Gedichte Anni Rabl
Deutsch is schwa
D' Evi, a brav's Schuiakind,
macht d' Hausaufgob, wenn´s hoamkimb g´schwind,
da Langsamer is do ihr Bruader Klaus,
heit kennt ea si go nit recht aus .
Deutsch dös tuat eam a nit taug´n,
frog´ d´Evi, ob´s eam nit kunt schaug´n .
Die Mehrzahl vo Kind is do heit g´frog,
do hat eam´s d Evi gonz glei g´sog :
du weascht moan i heuer huk´n bleib´n,
dös send Zwilling, mogst hi schreib´n !
Rätsel
Wos kunnt dös sei - dreimoi derfst rot´n,
is monchmoi z´gruaß oder a z´kloa krot´n,
foiat glei auf, wenn´s bei weam feit,
schaut mit´n Ruck´n hi zu d´Leit,
hot d´Wuschzl obn und d´Fliegl unt,
woaßt etz, wos dös sei kunt?
Es is d´Nas´n, ja genau,
hätt´ma koa Nas´n - hätt´s´Gsicht koa Gschau!
Seite 22
