Page 14 - Microsoft Word - Geschichten
P. 14
Geschichten Joseph (Sepp) Rossa
Sogar de Amoasn habn jetzt a Geschwindigkeitsbeschränkung eingfüaht und
rennen nimma so aufgregt kreuz und quer.
De kloan Bachla wischalen lei mehr tropfenweis´ in ihre Bettla und de größern
Wassa sein mit ihra Lautstärkn a zruckgangen, daß sie gnuag Reserve habn für
den nahendn Winter um a unter der Schneedeckn no murmeln und rauschn
z´können.
Hiandlseebl isch ganz dunkl wordn und kloan, wia a schlaferigs Äugl und blinzelt
lei mehr a poor Mol mit de leschtn, tiafn Sunnenstrohln ehvor es sich des weiße
Leintuach überziacht und a Schlafl tuat.
A Friedn und a Ruah isch in da Natur. Für de Zeit habns no koan Zeitvertreib
dafundn der an Lärm brächt. Jetzt fahlt nua no da Mensch, daß er aa a bois a
Ruah gäb. Aber dös isch leichta gsogt wia ton. Iatz isch da Allerheiling- und der
Godlpackgnead, na naht sich boid Nikolaus und na geaht eh scho wieda da
Weihnachtsrummel on. Wann sollsch denn do zua Ruah kemmen? Vielleicht habn
mia dann Weil wenn sie ins auf Allerheiling am Grab a etla Keaschzla onzündn.
Seite -13-
