Page 30 - Microsoft Word - Geschichten

Geschichten Joseph (Sepp) Rossa

Er muaß gar nit lang umabetteln, insa Austragsbäuerl isch glei amol begeischtert.
Na ja und so fahrn de Boadn halt amol nunter nach Weer. Sie machen a paar au

und es werd a Riesenhetz draus. Glacht werd, gsungen, an etle tanzen und

trunken werd aa. Und extrig wenig Milch obendrein. De Campinggäst sein happy.

Oane, nimmer de jüngste aber recht guad beinand wo´s halt passt, kimmt olm

näher zum Zugspieler zuache. Na ja grad unsympathisch is eahm dös nit. Ihre
Augen nach zu urteilen muaß dös eine Malerin sein weil sie dem Musikanten gar

so bunte Blicke aus ihre blauschattigen Liachta zuawirft. Dem werds ganz schön

hoaß dabei. Und weil sie gar so ummawebst rutscht ihr des kurze Rockerl olm

aue, aber sie ziachts na scho olm nach a Weil wieder a Stückl nunter.

Jetzt kriagt er Glanz in seine Augen wia damals, guad Ding vor a 40 Jahr. Wia

sich die bei einer Pause gar auf sein Schoß sitzt, ihr Glasl zu eahm auhebt und
mit einem gewaltign Augnaufschlag und a ganz rachigen Stimm sagt: "Trinken

wir Brüderschaft" do muaß er glei amol an tuiflischn Knödel ochischlucken,

nimmt dann aa sei Glasl in de Pratzn, de jetzt eigenartiger Weis a bissl

zitterscht, überkreuzt mit ihr den Arm, sauft aus und tuat an ganz tiafn

Schnaufer. "Na wat is jibts nu keen Küsschen" schmelzt sie und spitzt ihr roates
Fötzl. Ah da is er aber schnell insa Austragbauer. Ja fast muaß sie ihn abwehrn,

daß er sie nit auffrißt.

"Elke" sagt sie und du? Er murmelt schnell sein Namen und möcht na glei wieder

weiterschmusn. Aber sie tuat eahm ihrn rotlackierten Zeigefinger unters Kinn,

schaut eahm in die Augn, daß eahm da Blitz in die Lenden fahrt und flüstert:

"Aber doch nicht jetzt! Nu spiel man wieder schön" - Und na geht de Hetz
weiter.

Aber doch net jetzt...gehts eahm durch sei leicht benebeltes Hirn und dann reißt

er oan boarischn nach dem andern ocha, mit so wenig Fehler wia nia davor.

Ja gibts denn dös aa? denkt er olm wieder. Draussen am Häusl schaut er gar in

den Spiagl eini. Mei Schönheit werds nit sein...aber vielleicht weil i ein Tiroler

bin? De EU is decht nit so schlecht. Und weiter gehts. Sobald er de Zugin

wegtuat hockt de Elke scho auf sein Schoaß., tuat ihre Arm über sein Hals und
Seite -29-