Page 33 - Microsoft Word - Geschichten

Geschichten Joseph (Sepp) Rossa

Was der Talhofer Max von der Wallfahrt nach Maria

Stein erzählt

Weils der Tuifl a so will, daß sUnglück olm hinter insara Gemeinde her isch, habn

mia ins gelobt, daß mia a Wallfarscht auf Maria Stoan machn.

Dös habn mia a ghaltn. Am zwoatn Mittig im Mai hot der Grabler Simml sein

Traktor eingspannt und an Onhänga oiniton. Vo iadm Haus isch oana mitgfahrn.

Hübsch zammendruckt sein mia schon gwesen und an etla habn auf dem
Onhänger zwischn de oan stiahn miassn. De Beterei isch aa a wiag onstößig

gwen weil de Weerberger Straßn sovl Schloglöcher hot. In Maria Stoan sein mia

am Ortseingang vom Unhänger ocha und wia´s sich´s ghört, z`Fuaß in die Kirch

einzochn.

Wias da Tuifl will, und´s Unglück olm schua hinta insra Gemeinde her isch war

an dem Tog a Bluatshitzn. Wia mia aus der Kirchn aussa sein und schua schier
vaschmachtet warn, sein mia holt glei ins naxte Gaschthaus gangen.

Wias da Tuifl will und´s Unglück olm schua hinter insra Gemeinde her isch, hot a

jeder gmoant, daß zerscht de Gurgl mit am frischn Bia, a zwoa a drui,

ausgschwemmt werdn muaß, ehvor mia ebbas Truckns ochibringan. Und wei

nach der Jausn, vastehts, aa no ordentli nachegschwoabt wordn isch, sein mia

richtig luschtig wordn. Auf da Hoamfahrt habn mia gsungen. Höllisch. Es sein
zwar koane geischtlichan Liada gwen, aber schuan bärige.

Und wias da Tuifl will unds Unglück olm schua hinter insara Gmeinde her isch,

isch der Traktor öfter von der Straß ochikemman. Dös is ins adia schun

gschpassig fürkemmen. Aba mia habn halt gmoant da Simml forscht um de

Straßnlöcha uma. Bei der Gelegenheit hats ins natürlich toll umanand beitelt

und an Robalteralbin sein Vodan is schlecht wordn. Weil er si aber nit hat
aussibeugn können vor lauter eng sein, hot er gschwind an Moarseppal sein Huat

packt, und Brökalan eichnglacht. Aba de gröaßte Viecherei isch gwen, daß der

Seppal gor nicht gwahrnt hot. Drum hot er a sein Huat glei wieda augsetzt. Do

hat er freili ebbas gspannt. Aba dös hat eahm nicht ausgmacht indem mia ja so

Seite -32-