Page 31 - Microsoft Word - Geschichten

Geschichten Joseph (Sepp) Rossa

pickt eahm a Bussl auf de Wang daß mans laut schmatzn hört. Und grad wia´s
am Schönsten is möcht der Oane hoamfahrn. "Ach wie schade" flüstert sie eahm

hoaß ins Ohr. "Auf bald" macht sie eahm zum Abschied no Hoffnung und dann

fahrn de zwoa nauf an Weerberg. Es is nach oans in der Früah wia der Altbauer

vor seinm Hoam steht. Da hat sich in der Zwischenzeit nichts g´ändert. "Ach

schade"und "auf bald" geisterts eahm durch sein Kopf. Ohne daß ers merkt geht
zu seinm Auto. Weil er net gern onspringt der Grattn hat er den Wagn an der

Straß stiahn wos glei amol bergab geht. Oan Blick wirft er nauf zum

Kammerfenster, do is nicht, sie schlaft ja scho lang und sonst hört und siecht

man aa nix, also macht er leise die Autotür auf, hockt sich eini, tuat de

Handbrems auf und lasst dös Vehikel anrolln. Nach der ersten Kurven haut er
die Tür zua, de er bis da hin in der Hand ghalten hat weil de so schwer zuageht.

Der Schlüssl steckt eh Jahr und Tag, und dann laßt er´n anhupfn. Schaltets

Liacht ei und denkt eahm Schandi werd scho koana ummasein so spät..... Unten

im Campingstüberl san de Fenster no hell erleuchtet und a Glachter und a

Spektakel is bis aussa zan hörn. Er schleicht si zu am Fenster zuachi, schaut,
wischt sich über de Augn, schaugt nomol, dann schüttelt er den Kopf, geht zruck

zum Auto und fahrt hoam.

"Luada" schimpft er vor sich hin. Und immer wieder: "So ein Luada" Und heftig

sinnierend steigt er in der heimatlichen Schlafkammer in sein Bett. Er musiziert

zwar immer noch recht gern, aber eigentlich nur mehr wegen der Volksmusik.

Seite -30-