Page 30 - Zelger

Gedichte Waltraud Zelger

Rauchabend

Schö stad weaschts auft viere,

da Kreidabuschn, s Rachpfandl, da Weichbrunn und

da Weihrauch send scho parat,

iaz miaß ma an Stoi geh, sist weaschts z spat.

Koa Sticki Wäsch und a koa Huttn derf a noascht hänga,
dös bracht an Ureim, oda go eba sterm, sog Lena.

D Muata mocht an Weibelnul eichi und stoitn hi zon Geh,

hoffentlich weascht a hoia a wieda schö.

Mia kniant ins hi und toant an Roasnkronz ufonga,

I denk ma, da Nul weascht woi decht oandla glonga.

An Glaube an Gott und es gib no long koa End,
bis nit dö gonzn finf Gsazei durchi send.

Dö Knia toant ma weh, i bi nit gonz bei da Soch,

d Muata schischt bein Heascht nochi und sog a och.

Da Vota riascht mit dö Händ a dö Hoor umanon,

i moa, er zoit in Gedonkn dö Kia an Stoi zom.

Endlich sen ma feschtig, dö Stoileit send a kema,

zwogn si und legn si schö u, schiaga nimma zon Kena.
D Muata tuat an Weibelnul eichi zon Bochn,

jo dös send fi mi iaz scho schönane Sochn.

Oba iaz toan ma oi mitanon no an Roasnkronz betn,

I tua mi in meine geheima Gedonkn rettn.

Obs Christkindl scho kimb und wos ma amend bring.

Seite 30