Page 31 - Zelger

Gedichte Waltraud Zelger

Da Roasnkronz is feschtig, mia stent oi auf,
az kimb no da englische Gruaß drauf

Dös Gsatzl segn uns Gott speis uns Gott

himmlischa Vota segn uns diese Speise in Christi insan Hean am

sog ma daß ma feschtig auft wand.

Iaz kimb da hinkig Weibelnul aufn Tisch und i hun mi nit gfreit ohne Grund,

mia laft scho s Wossa zom an Mund.

Aa guate Muich ois Zuaess loß ma ins dazua schmeckn.
Do kimb ma vi, her ebas und tua oandla daschreckn.

Aba na, no is nit so weit, da Vota hot kot a Gluat an Bon oichikeit.

Er richts Pfandl mit da Gluat zon Rachn geh her.

Er tuat an Kreidabuschn eichi und moat, Weihrauch brauchat i a bisei mea.

Mia kniant ins wieda nieda und toant den drittn Roasnkronz ufonga,

i moa iaz meds auft a moi glonga.

An Weichbrunn nimb Lies, sie tuat ins a wenk gsegna und spritzt zo ins her,

da Vota mitn Rachpfandl mocht a Kreiz,
dös is a guata Kruch, do meng ma a bisei mea.

Durch dös gonze Haus gents, von Keia bis ad Huia und an a jeda Koma,
I gang a gean mit, dös war mei Valonga.

A d Rem und an Stoi zo de Kuadei zon Roß, zo de Schafi und Goaß,

vagessn derfns nix, wia a jeda woaß.

Dös Ofntil her i auf und zua toa und mia send auft a mitn Roasnkronz feschtig.

Mia stent auf, betnd an englischn Gruaß oi zom.,

do kemand no mia Kina dru, in Gotts Nom.

Mia betnd dös uroite Gebet, dös sicha in koan Gebetbiachi steht.

Seite 31