Page 33 - Zelger
P. 33
Gedichte Waltraud Zelger
Dö weiß Suppn
Voa 3 Johr is insa Vota no bei ins gwen
und hot sein zwoajahring Urenkei a diam a Suppn eigem.
Iaz kimb a zo mia und tuat mi frogn,
Votaoma, i mecht so gean a weiße Suppn wia bein Vota hom.
A weiße Suppn, dös weascht woi a Kohlrabisuppn sei.
Und i geh und koch eam dö gonz glei.
Oba na, sie is nit schlecht,
oba bei weitn nit dö krecht.
Iaz probier is mit a Blumenkoisuppn und buit ma ei gonz gwiß,
das dös iaz decht dö richtig Suppn is.
Oba a dö is nit noch sein Gschmoch.
Mia foit koa ohnane Suppn ei, denk i a no a so noch!
Durch Zuafoi koch ian Roahnul* und a Geascht*,
dös is iaz dö krecht Suppn - is decht go daweascht!
* Roahul = Buchteln, Wuchteln
*Geascht = Gerstensuppe
die beschriebene Gesamtkreation ist Wuchtln mit der Gerstensuppe und
Sauerkraut dazu
Seite 33
